Beets, van der | 1419-05-27

Rechtspraak Graaf van Holland III p 287

Achternamenindex

lofnisse Bartout Pietersz van der Beetz: " item des saterdages upten 27 dach in Mey is gecomen voir den tresorier here Florens van Borssel, Bartout Pietersz ende Pieter Gaefszoen ende heeft gelooft an dez tresoriershant tot mijns heren behoef up sijn lijf ende op sijn goet te beteren bi den tresorier, bi Willem van Brederode ende bij andere mins heren rade, die de tresorier dairbij neme sal, sulke brueken als dair him die scout van Yedam up en Manendage naistcomende van mijns heren wegen of toegesproken soude hebben. Ende heeft him vorder verwilkoert, dat hi dair geen weer tegen doen en sal met genen rechte geestlic noch waerlic sonder argelist. Mit vorwairden worde Bartout niet toegesproken tusschen dit en St Lambrechtsdage naistcomende, so souden zij van den borgtochte vrij ende gecwyt wesen"

borgen: Wouter Willemsz, Gherijt Willemsz, Jan Willemsz., Gheryt van der Beetse, Andries Claesz en Jan Claes