1325~ |
R.A.H. no 32 fol 46/Reg EL 39 fol 15v
Haarlem Algemeen
verklaringen van verscheidene personen omtrent de beden door die van Alebrechtsberfghe, Tetrode, Zandvoirde, Scoten ende Heemstede. Jan van Rollandt zegt dat zij soms wel soms niet die bede gegeven hebben. Voirt van den gherechte van Scoten zo kent hi dat hem die baelju van Oeloud zire moeder erve int erfhuys te Scoten jeghens Claes van Rolland zinen stiefvader selve recht dede ende te rechte zat, ende van danen brocht hij t in den hof etc. Pieter van Rolland zegt dat hij niet weet dat die luden voirs eenige beden gegeven hebben. Voirt zegd hi van dien van Scoten dat zi niet voer en rechten dan van scade ende van scoude ende dat bi eenre boete van 2 schell. Eenzelfde verklaring van Willem Hugenzone van Zaenden. Voord zeyd Jan Ponsekiaenssone, dat hi van der bede niet en wiste dan dat die van Scoten bi oesten der grooter beke geven herfstbede ende bottinghegeld, ende die zelve lude dienden doe men t huys te Kijc over Dijc maecte, niet anders den Kenemaren. Ende omme dat die huijslude woonende twisken die beke ende Haerlem ghenen dienst en deden, zoe omboit se die Grave Florens voir hem tote Aelbrechtsberghe, omme te wetene bi wat redene dat si vri wouden wesen, dair zi ghienen antwoorde op en wisten dan Enghebrecht Persijn van Scoten ende Oude Symon van Zaenden zegheden of die Grave niet alzoe lief en hadde dat die lude haer land bouweden, alze dat zijt zelve bouwenden, ende wilde hi zi zouden die luden laten varen ende bouwen haer land selve, men lach die voir Montfvoirde, ende die grave woudeer immer van gedient wesen ende ghaf hem den coir weder zi dienen wilden metten huijsluden jof met welgeboren luden, daer coren si den dienst metten welgeboren luden. Ende Enghebrecht ende Symon wonnen eenen man op der bure cost ende setten te dienen voir thuys te Mondvoorde, ende doe ter wilen plagen Enghebrecht ende Symon te rechten van scouden ende van scaden op haer landzate op een boete van 4 denier ende niet hooger, alst nu ghecomen op 2 scellingen. Ende dese Jan woende met Enghebrecht wel seventien jaer