1354-09-22 |

Cartul St Jan Haarlem no 279

Haarlem Algemeen

Dirc Dullaerd Gherydszone oorkondt dat haer Gheryd Bertholomeuszone, mijn neve, daer God die ziele of hebben moet, haren Gherijd Dullaerd, sinen sone, gaf 2 £ Holl jaerlix staende op Dirc veren Odenssone, sijns broeders, huijs ende hofstede alst gheleghen was, het eene pond losbaar, het andere niet, daer hij haren Gheride, sinen zoen voerscr. die brieve of ende op ghegheven hadde. Wilc huus ende hofstede daer dese voers. renten op stonden, vercoft most wesen, ende men dat huus niet vercopen en mochte dat erflic pont en moste mede gelost wesen. Des bigheerde haer Gheryd, God heb sijn ziele, die brieve daerof van haren Gheride sinen zoen, ende haer Gheryd, sijn zoen, die gaf hem die brieve, in manieren dat hij hem die brieve weder soud gheven of alsulc gheld als van den erfliken ponde quame. Voert so offerde haer Gheryd haren Gheride zijnen soen een silveren scale mit eenen amause binnen ghemaect ende ien voetennap tot synre ierster missen, daer mij haer Gherid omme bat, dat ic haren Gheride sinen zoen bidden woude dat hi hem die weder lienen woude, want hire ghien doen en hadde, ende hise hem houden wouden tot sijnre behoef. Hierof was Haestiaen van Zaenden heren Gheryds moeder met nu een boede (?). in orconde bezegeld door oorkonders