1408-10-29 |

R.A.H. Coll Aanw 71 fol 34/Memoriale B.C. fol 23

Haarlem Algemeen

item die bailju van der Goude hadde eenen man gevangen geheten Pieter Veen die poirter is tot Haerlem, en dair of wort geschreven bi vervolch des gerechts van Haerlem, dat die balju voirs. denselven man ontcommeren en uter vangenisse doen soude, des geloofde Willem heer Woutersz [van Zenden] voir den tresorier, dat hi den tresorier tot myns heren behoef, der stede brief van Haerlem senden soude, dair sij in geloven soude den voirs. Pieter te leveren tot mijns heren vermanen, also schuldich en ontsculdich als hi doe ter tijt was, of den voirs. brief hem weder te leveren, sonder den baelju voirs. te geven. Dit geschiede 29 Oct.