1410-02-13 (1409) |

R.A.H. Coll Aanw 71 fol 120/Memoriale B.C. fol 88

Haarlem Algemeen

hertog Willem oorkondt, want Willem Bertout Lottijnsz, onse scout van Hairlem, dair God die ziele of hebben moet, in den duuster dageraet, daer hi quam gaen om die eerste misse in der prochikerke onser stede voirs. te horen, upten vrijen kerchove aldaer jammerliken vermoert ende doot geslagen is, ende die quadien heijmeliken van den kerchoven ende voirt uyt onsen lande geruumt sijn sonder hem des te belien off yemende te openbaren in enigerwijs. Des wij na in t wair vernomen hebben dat dese moort ende dootslach gedaan hebben Claes Kibben kinder, met name Gheryt, Dirc, Claes ende Willem, gebroederen, ende want Claes hoir broeder tot Amsterdam hem nut enen scepe lach wachtende ende van desen moort ende quade faiten wail wiste, die oic in voirtiden mit sinen broederen voirs. een knaep geheten Peter Nannenz binnen onser stede van Hairlem in der nacht dootgeslagen ende vermoort hadden dair hi balling ende ellendich onser lande mit recht om geclaecht, soe hebben wij verboden ende verbieden mit desen brieve Gherijt, Dirc, Claes en Willem voirs. alle onse lande ende heerlicheden ende dair nimmermeer tot genen dage weer in te comen up hoir lijf, tensij bi wille ende gemoede van ons ende ons doden scouten magen voirs. Met bevel om hen te vangen en over te leveren