1413-10-15 | Heemstede

G.A. Haarlem N 184 no 87/Cartul Leprooshuis

Haarlem Algemeen

ick Willem van Scoten doe cond ende kenlich allen luyden dat ick om Gods willen nae heer Jan van Scoten, priester, mijn zoons, doet, gegeven heb ende met desen brieve gheve den Ziecken Lazarusen wonende ter Cruyspoirt utgaende buyten Hairlem, 1/16 deel van 4 Eng nobel sjaars, die ick jaerlix heb terfhuere op enen camp lants die nu Claes Collert Willemsz is, gelegen in den ban van Heemstede bij den Manpade, ende belent hebben met erve noord: heer Jan van Heemstede, zuid: Ryclant Jan Henrickszoons wedu mit hoeren kinderen, oost: die Wildernisse, west: an dat cleyn veentgin. Voert zoe heeft mijn heer van Hollant op den camplants voirs. 18 sc sjaers die sal Claes Collert jaerlyx uytreyhen ende betalen ende ofslaen van die 4 nobel sjaers voors.