1480 |

Inv Arch Kerkvoogdij Haarlem no 162 fol 17, 17v/St Bavo Haarlem

Haarlem Algemeen

item Vroutgen [?] Pieter Jacopsoens sutevi [??] te Scoten bi die capel heeft van Alyt Jacobsdochter minen moeder een bont om 2 R gld ende daertoe heb ic Jacop Lambrechtsz ontfangen of verteert die waerde van 4 stuivers tot Vrogens huse ende t ander is si noch sculdich ende ic beghere dat ghi hoir maent om ghelt tot St Bavenkerk behoef, want dat myn moeders wille was ende dese scepenbrief hout noch 3½ R gld ende een R gld van dezen 3½ voirs. sel hebben die heilige kerk van minen weghen ende noch 4 st die tot Vrougens [t vroutgens ?] huse verteert hebben ende dat hier over blift ist vele of luttel, sel hebben Lysbeth Petersdochter myn nift, daer ic mede woende doe ic op reeysstek [?]. Ende heb ic Jacop Lambertsz gescreven mit myn selfs hant des Dinsdages na St Odulfsdach anno LXXV. Lisbet Pietersdochter betaalt 26st. Item Katrin Claes Gerbransz weduwe heeft belooft Jan van Berkenroede ofte den houder des briefs die 7 gld te gheven. Hier waren bi, an ende over Jan Symonsz Smit en Gherrit Willemsz mandemaker, poorters als tughen. Dit gesciede Dins [?] dag na St Odulfsdach anno 1488