1420-09 - 1420-12 (1) |

R.A.H. Coll Aanw 55 fol 7, 10/Privilegia 1420-1433 fol 3v

Jaartallenindex

een utschrifte van der heerschappije van Hagensteyn. Item ist gheleden omtrent 70 jaer dat tot Hagenstein een Heer was gheheten Jan van den Ghoije, ende die hilt die heerschappye van Hagensteyne in leen van der heerschappye van Kuyck ende in dien tyde soo was Heer Willem van Duvenvoirde Heer van Oosterhout een beleyder van Hollandt ende oock van Brabandt. Jan van Ghoye voorn. liet slechts één kind na nl Mergriet die huwde met heer Heinrick van der Lecke, eenige zoon van heer Peter heer van der Lecke, die verdreven wort ut Hollandt, ende voer woonen opter Ouder Ysel bij aenhoudt, ende timmerde dair een stedeken ende een huijs geheten den Weerde, des soo is Mergriete voirs. ghestorven sonder kinder. Heer Willem heer van Oosterhout voirs. heeft gecoft in dien tijden teghen den Heere van Kuyck alle mannen van leen als die heeren van Kuyck optie tydt hadden binnen den Ghestichte van Utrecht ende daer omtrent. Des soo was nae rechter besterfften op die tijt die nagelnaest rechtvolgher van leen van den heerschappye van Hagensteyn Heeren Steeskyns oudevader van Brakel, want syn moeder Jans zuster van den Ghoye voirs. was. Des zat opten huyse tot Hagensteyn optie tijt van heeren Steeskyns wesen alse een casteleyn ende een ambtman Heer Allart van den Wale