1420 | Heemstede, Nieuwerkerk, Ravensdorp

R.A.H. Coll Aanw 56 fol 50v/Reg in Beyeren IX fol 27

Jaartallenindex

Jan Florys Galenzoen. Hertog Johan oorkondt: want Jacob van Hulsbroeck binnen der stede van Leyden … binnen der tijt dat wij die bezate ende belage, ende die …..... houde jegens ons alle onse gemene stede ende lande ende daer oflivich in wort eer die zoene daeroff .... ende gemaeckt wort, aldaer hij aen verbeurt heeft sijn lyff ende alle syne goede, ende namentlyck sulcke goede als hem aengecomen waren van Willem van Hulsbroeck, sijnen broeder, soe hebben wij Jan Gaell Floryszoen die een recht leenvolger is Jacobs voirs om syne oitmoedichs vervolchs wille etc. hem ende sijne nacomelingen vercocht ten vrijen eyghen, uijt sulcke leengoede als oude Willem van Hulsbroeck, sijn oom, van onse voirvaderen grave te Holland te houden plach, tot 15 mergen lants toe, te meete noortwaerts van Dirck Jan Busezoons lande van de Ghier, den Boemcamp, den Biescamp tot 15 mergen toe, welck land gelegen is in den ban van Heemstede bij der stede van Haerlem, met het recht om die te verkoopen etc. Voort soo hebben wij hem vorder gracie gedaen ende hem verleyt alsulc ander lande met tween thiende die gelegen sijn ter Nuwerkerk ende tot Ravensdorp, te houden etc boven die 15 morgen voirs. in allen maniere als oude Willem voirs. die te houden placht. Op Onser Liever Vrouwenavont .... anno 1420 (zie 1420-08-14, avond voor Maria Hemelvaart)