1421-07-31 |

Genealogie v.d. Does Voorburg fol 50/Fam Arch Bredius

Jaartallenindex

ic Jan van Nes Dircxz van den Werve doe cond allen luden dat ick geconsenteert hebbe ende consentere voor mij myn.. nacomelingen Wilem Florysz en zijn nacomelingen alle alsulcken coop van lande als Willem Florysz in voirtyden gecoft heeft jegens den Burchgrave van Leyden, na luyt synen brieven, die hij daerof heeft. Welck land myn plach te wesen in den ambacht van Leiderdorp. Ende ick schelde quyt voor mij etc alle recht en toeseggen tot Willems behoef voirs. Ende gelyc my daeraf wel ende betaelt etc. In kennise der waerheyt soo hebbe ick Jan van Nes desen brief besegelt mit mynen zegel. Ende om der meere sekerheyt wille soo hebbe ick gebeden Simon van der Does, bailliu van der Hage, Andries Jan Bacxz, scout van Leiderdorp, en Geryt Paedze, myn swager, dat sij desen brief met my bezegelen willen