1421-10-28 | Heemskerk

Arch Marquette 1106 no 120/ Cartul Assumburg

Jaartallenindex

wij Enghebrecht Greve tot Nassau, heere ther Leck ende tot Breda, begeren te weeten allen Bailluwen, schouteten, schepenen, dienaren, rechteren ende leenmannen in den landen van Hollandt, hoe dat Dirick van Assendelft en zijn voorvaders van onsen geminde gesellinnen ende van hueren voorvaders te leen gehouden hebben alsulcke heerlicheyt, huysinge, hoffstede ende landt als Dirick voors. staende ende leggende heeft inden ambocht van Heemserck ende nu ter tijt van ons te leene houdt, waeromme wij bidden ende begeren an allen bailluwen, schouteten, schepenen, dienaren, rechteren ende leenmannen dat zij gheen recht en doen noch en wijsen van dien heerlicheit, huysingen, hoffsteden ende landt voirs verre dat recht es, want wij die goeden voorn. houden voor onse vrij eijgen ende wien oick gheen leengoede winnen en mach mit recht tenzij voor den leenhove ende voor zijn leenmannen, begerende oick ende biddende allen goeden manen in den scravenlande dat zij ons nyet vercorten en willen in den onsen aen den goede voorsz opdattet ons gheenen noot en doe ons verre daer aff te beclaegen