1422-08-24 |

G.A. Amsterdam Weeskamer Amsterdam Lade 41

Jaartallenindex

Claes Put, scout in Oestzaenden, oorkondt dat Gherijt Symosnz sceide van siin kinderen die hi bi Aef Dirc Janszoensdochter heeft, daer Got die siel of hebben moet, bi consent ende goeduncken hoer vier verrendel als bi Enghel Dircsz ende bi Claes Symonsz, des kinderen voers. oemen. Item dat siin zoen Jan sel hebben 3 maed lants dat leit te Scermer voir die Horn, ende des sel Gherijt voirs. siin zoen Jan gheven 3½ nobel. Item voert soe sel siin dochter Dieuwer 3½ mat lants dat leit te Scermer ende is geheten Olbrantslant. Daertoe sal Gherijt voirs. sijn dochter Dieuwer geven 4 nobel. Item voert soe sel hebben siin zoen Willem dat laghe lant ende dat rielant ende is gheleghen te Scermer. Ende daertoe sel Gherijt voers. siin zoen Willem gheven 6 nobel. Item siin dochter Hildegont sel hebben dat lant after die Kochsloet tot Oestzaenden, van Pieter Jan Gabbis werf tot die Twiske, ende des sel Hildegont voirs. gheven hoer broeder Willem 6 nobel. Ende voert soe sel hebben Gherijt voirs. al ander goet.

getuigen: Dirc Jansz, Albert Ludinc, Jan Heinenzoen ende Gab Yvenzoen; met zegel van Claes Put: 7 mereltjes, 3 links, 3 rechts, 1 beneden