1428-10-15 | Alkmaar

G.A. Alkmaar Arch Klooster Oude Hof Alkmaar no 33

Jaartallenindex

ic broeder Dirc Hamer, prior van de Regulieren buiten Haarlem, doe condt dat ic daer bi an ende over geweest hebbe dat heer Gerrit Rembrantsz, priester, bi consent des eerbaren vader in Christo heer Sweder, bisscops tot Utrecht, ende bi consent des decaen ende der Rairluden [!] van O.Vr gilde te Alcmaer, permuteerde ende verpangelde jegen den convent der susteren van de 3e oirde van penitentie Sinte Francisci, wonende te Alcmaer after die kerke, zyn huysinghe ende erve binnen de vryhede te Alcmaer after die kerke, zyn huysinghe ende erve binnen de vryhede van Alcmaer after die kerke (!!) voirn, also groot en also cleyn alse der capelrie van O.Vr. toebehoren die heer Gheryt jegenwoordelic besit, met enen nobel sjaars op dat after erve ende huus daer Jan Jonghelinc plach op en in te wonen, daer lendenen of zyn zuid: die susteren voirs, noord: die heerstraet, streckende van den kerchove westwaerts an die Veste. An twee stucke lants totter capelrie behoef voorn. Daer dat ene stuc of gelegen is in der vrihede van Alcmaer bi Verrenbroec, daer lenden of is Andries Michielsz gemeen met Jan Bal ende Grieten Heren dochter, den convente voirs. in voortiden gegeven heeft te help die husinghe voern. mede te coepen. Ende dat ander stuc is gelegen bi Grafterdyc ende is geheten "Heynrics camp", daer lende of syn zuid: Claes Michielsz, noord: Thaems Jansz. Welke camp Engheltruut Michielsdochter den susteren voorn. gegeven heeft die voirs. huysinge ende erve mede te vercrigen. Voert syn voorwaerde waer t sake dat enich van dese twee stucken land heren Gheryt voirs of sinen nacomelingen gewonnen worde mit recht soe souden die susteren voers. alsoe veel lants heren Gheryt voirs. daer voir gheven totter capelrie voers. behoef als hem of sinen nacomelingen of ghewonnen worde. Hier hebben bi an ende over gheweest mit mi heer Willem Buyn ende heer Pieter Roed. Van deser permutatie en pangelinge zyn twee brieven gemaect, een voor heer Gherit en de ander voor de zusteren. "die brief van heer Gherits husigne welke wi gecoft hebben"