1428 | Ouder Amstel, Schoten o.a.

R.A.H. Coll Aanw 99 fol 48 Caput Kennemerland/Novum Registrum

Jaartallenindex

Harper van Foreest Janssoon: ende him angecomen sij bij dode Coen Cusers sijns oude vaders. Eerst die ambochten van Sloten ende van Osdorp mit alle hoeren toebehoeren. Item dat ⅓ deel van den thienden van Schoten mit sinen toebehoeren, daer die Heer van Brederode die ander twee deel of heeft. Item 5 hoet rogge sjairs uter tiende van Hasertswoude. Item den Berch [Borch ?] ter Ouder Aemstel mit 5 mergen landts luttel min ofte meer. Item tot Waverveen een cleijn Coernthiende ende smailthiende ten erflien, et sunt litterae. Item eenen camp landts van ses maden gelegen in den ban van Aelbrechtsberghe, ende oest ende west beleghen heeft Willem Snel mit erve. Item een madt landts gelegen in denselven ban onderdeelt mit Lijsbeth Rogiers wedewi ende hoeren kinderen, ten erflien, et sunt litterae. Item Schoterbosch, alsoo groot ende alsoo cleijn alst gelegen is, ten erflien, et sunt litterae. Item 19 maden lants gelegen buijten sdijcx bij Saenderdam. Item een recht derdedeel van een coerenthiende gelegen bij Delff, ende Heeren Philips erfnamen van Polanen ende Jan Heerman dat anderdeel of hebben, ten erflien, et sunt litterae. Item noch dat ambocht van Middelburgh bij der Goude mit lande, thienden, renten ende heerlicheden, gelyck eenen ambochtsheer toebehoirt, te houden nae inhout synre brieven, et sunt litterae, ut patet in libro III fol 94. Idem Herperus relevavit a domina ut patet in registro anno 1428, secundum cursum Curiae, 17e Mrt (1429-03-17). Item opten 20e dach in Maerte anno 1430 secundum cursum Curiae, (1431-03-20), soe is gecomen Herper voirs. voir Willem van Naeldwijck, die des gemachtich was mit mijns genadichs Heeren brieven, ende voir leenmannen als Boudyn van Swieten ende Jan van der Mije, ende heeft opgedragen etc tot behoef Jan Heynensoon van Aemstelredam den Berch [Borch ?] ter Ouder Aemstel mit 5 mergen landts luttel min of meer, gelijc die voirs. staen, die denselven Jan Heynensoon verleent worden wederom te houden ten erflien, gelyck Herper voirs. die te houden plag, dair hij brieve of hebben sal soo wanneer die segel in Hollandt wesen zal