1429-09-26 | Alkmaar

R.A.H. Coll Aanw 96 fol 104v, 105/Reg Tricushandt Caput Kennemerland no 124; R.A.H. Coll Aanw 56 fol 202/Reg in Beyeren IX fol 107

Jaartallenindex

joncfrouwe Machtelt van der Beedze hout die helft van een huysinge ende erve staende binnen der vrijheijt van Alckmaer die hoir aengecomen ende bestorven sijn bij doode Pieter Heeren Dirckszoens daer die ander helft of houden Pieter Heeren Dirckszoens voirs twee kinder, want Pieter voors dese huijsinghe opdroech mijnen Heer van Oestervant eer hij grave van Hollant wort, ende daer sijn brieve off, te houden tot eenen onversterffelijcken leen, te verheergewaden mit eenen roden sparwer, ende dit heeft mijn vrouw hoir verliet. Joncfrou Machtelt die voirs joncfrouwe Machtelden ende Pieter Heeren Dircsoonssoen hore beyder dochter is verliet ¼ deel van dese voirs. huyse ende erve dair hoir broeder dat ander vierendeel of schuldich is te houden, te houden ende te verheergewaden in alre maten als voirs is. Quaere in registro 26 Sept anno XXIX.Pieter Heeren Dirckszoenszoen ende joncfrouwe Machtelden van der Beedze voirs hore beyder jonxte dochteren joncfrouwe Machtelt een utsettinghe gedaen ende ghegheven is van den anderen vierendeel van den huse ende erve voirs, een jair langhe nae datum sbriefs van der verlyinghe syns moeders ende zustere. Ut patet tempus intuenti registrom defeda (!) anno 1429 fol 10; R.A.H. Coll Aanw 56: te houden tot een onversterfelijk erfleen, te verheergewaden met een roode sperwer. Hulde en manschap doet Jacob van Poelgeest als hoir voecht op die tijt voerscr. Ende op tie selve tijt voort jonckfrouw Alijt hoiren beyden dochter oick verlyet ¼ deel van de voirscr huys ende erve, ende daer jvr Machtelt die jongste dat ander vierendeel schuldig is off te houden, ende te verheergewaden als 't heel huys ende erve nae sijn paert