1429 |

Rek Rentmeester Kennemerland en Vriesland 860

Jaartallenindex

eerst op die Langhedyck in den ban van Outkerspel zijn 3 visseryen, als dat Grontgat, die Hoefsloet en Walingendorp, heeft die here van Egmonde van minen heer. Item die Langerlaen in die ban van Noort Scerwoude op die Langhedyck heeft Claes Willem Gheyenz. Die Boesem after Winckel is droege lant [ook al in vroegere rekeningen]. Die tocht buten die Zydwinde is vergaen, daerof niet (tot Nyedorp) (fol 5); (fol 6) die marct tot Alcmaer te beloken Paschen is niet of gecomen overmits dat vechtelic dat die van Akersloot op die tyt daer maecten. Ontfaen van der marct t'Akersloet te St Jacobsdage 15sc. Ontfaen van een grote visch die tot Santvoirt ut die zee in den jaer voirs anquam, boven cost en arbeit die daerom gedaen wort 40£; (fol 8v) item heeft Adriaen van Raephorst [de rentmeester] utgegeven ende betaelt Jacob Tack ende hy Adriaen voirs mit recht tot Haerlem ofghewonnen heeft, overmits dat here Barthout van Raephorst sal. ged. een waerborge was voir alsulke goede als wijlen hertoge Albrecht Jacob die bastairt van Egmond Jacob Tacken wijfs man selve vercofte ende dat ghelt selve daerof ontfinck. Welke goede Steven van Cleve mitter doot ruijmde die men meynde dat een bastaerd geweest hadde. Ende overmits dat men naemaels claerlick vernam dat Steven voirs. geen bastaert en was, so is gecomen Wouter Louwe tot Alcmaer ende heeft dieselve goede voirs. mit recht in die vierscare t'Alcmaer weder gewonnen, daer Jacob die bastaert voirs. bij te scaden geleden heeft, gelyc die brieven die Adriaen voirs. daer of hier overlevert inhouden, 372£