1429~ |

R.A.H. Coll Aanw 203 fol 51c/Memoriale Rosa I

Jaartallenindex

dit sijn die bueren op Scoerledijc. Item in den eersten Pettemersluys an beijde syden op te nemen, ende dat an te tasten morgen des daechs mit 40 mannen ende dat te scouwen dach over dach, ende waer dat sake datter enich man an braeck dat is elc man 2 s dachs. Item voirt so wat dijc sijn breede niet en heeft dat sal men vollen dac wijs mit aerde ende dat wel oplecken mit soden. Item voirt al onstantelijke culen die sal men weder vollen ende lecken mit soden dac wijs. Item voirt al den dijc al lancs die sijn volle breed heeft die sal men maken van die overste lant neder wart 12 voet lynrecht, ende die oude aerd niet te porren. Item al dese voirs. punten sal men over 8 dagen scouwen ten halven ende 8 dage daernae ten vollen. Item ghebuert des Dinxdachs na St Victorsdach. Dit syn die bueren op den Seedijc. Item desen dijc sal men anvaerden des Vridaechs na Sinte Victor alle vervallen vael ende manninge daerin scouwen alle dagen op een boet van 2 sc ende en halven dijcscouwe des Donredaechs na St Lucas ende over seven dagen. daerna ten vollen dijc ende waer gebrec in valt dat sel die dijcgrave besteden ende mijns heren geld daerin leggen. Item so roeptet al mocht over Koekendijc nu de Zeedijc overmits den water dat daer aen coemt (zonder datum, los blad achter het jaar 1428) (vgl 1435-10-28)