1432-11-13 |

R.A.H. Coll Aanw 465 fol 81/Leenregister Brederode fol 43

Jaartallenindex

Reynalt heer tot Brederode oorkondt: want die 3 morgen lants leggende in den ambacht van Alcmade, die aen die eene side belegen hebben Zweder van der Mere ende Griete Busers mit horen kijnderen of hoer nacomelingen an die ander side, die Dirck van der Specht van der hofstede van Brederode hielt bi sinen tiden ende ons voervaders Heeren Dircs heer tot Brederode aen onsen voervaderen Heeren Jan van Brederode ende na ons liefs vaders Heeren Walravens Heer tot Brederode sal. ged. niet versocht en sijn, mit wanversuecke aen ons gecomen sijn, soo hebben in beden wille der vrunde om dienst wille die hi ons noch doen sel, dieselve 3 morgen lants also osi gelegen sijn, weder beleent ende verlijt Dirck van der Specht, tot een recht erfleen, binnen aftersusterkint niet te versterven

mannen: onse lieve oomen Heer Jan van Vyanen, ridder, heer tot Neyencoep, Willam van Brederode heer tot Steyne, Ghisebert van Bloemendale, Hubert van Laer, Henric de Witte, Jacob Crolle