1406-10-09~ |

R.A.H. Coll Aanw 69 fol 161, 161v/Memoriale B.H. fol 101, 101v

Jaartallenindex

item sijn Dirc Coppier en Aernt Coppier, coopluden, van wynen bewijst 300 Eng nobels optie vrihede van Grootebroeck in mindering van 600 nobelen die sij minen heer sculdich sijn van bruecken die si jegens him misdaen hebben, daer die dach of is tot Kersavont e.k. Item sijn bewyst Jan Gherytsz van Helsdingen en Gysbrecht die Goijer 39 Vrancr cronen en 26 groten op Gheryt Coevoet van synre scattinge in ofcortinge daerof. Item is bewyst Aernt Vlaminck en Gysbrecht Jacobsz van alrehande visch die sij tot mijns heren herberge behoef geleverd hebben 91 Eng nobel min 7 groten op tie gevangenen van Hagensteijn. Item is Gheryt van Brueckelem bewijst an eenre grooter busse die hi tot myns heren behoef gemaeckt heeft 100 Vrancr cronen up Jan uten Wairde, die myns heren gevangene is, in minderinge van synre scattinge. Item syn bewyst Coppyn Dirc Spitsz en Kerstant Jansz van alrehande bier, harinck, houtwerck, turf, dat sy in den besitte voir Hagensteyn tot myns heren behoef leverden 259 Vrancr cronen opt morgengelt dat die stede van Rotterdam minen heer sculdich is. Item Willem Gherytsz van Leckerkerc is bewyst van alrehande havere die hi in den besitte voir Hagensteyn tot myns heren behoef gelevert heeft 56 Eng nobels op tie gevangen van Hagensteyn