1407-04-06 |

R.A.H. Coll Aanw 70 fol 26/Memoriale B.F. fol 16v

Jaartallenindex

hertog Albrecht (!) belooft Jan van Herlaer van der Huel of sinen erven dat wij him dat huys ter Huel weder op sullen doen timmeren van die van Utrecht also goet als dat was eer sijt nederworpen, binnen sjaers na datum des briefs. ende wairt sake dat wi des niet en deden, noch gedoen en konden, so sullen wi Jan van Herlaer voirs. of sinen erven binnen denselven jair aldair voir doen geven also veel gelts als ons selven en Jans vrienden van Herlaer voirs. die hi daertoe setten sal, redelic en mogelic duncken sal sonder argelist. Voirt geloven wi in goeden trouwen tot wat tiden dat ons Jan van Herlaer voirs. vermaent of vermanen doet, him sijn goede verlien sullen die hi in Lopick liggende heeft sonder vertreck van ons te houden tot enen oversterfelijken rechten erfleen gelijck sijn brieven inhouden, die hi van hertoge Aelbrecht en van ons daerof heeft. Voort geloven wij Jan voirs. dat hij sijn goede die hi in Lopic liggende heeft, ende van ons te leen hout, rustelic ende vredelick gebruken sal tot syn oirbaer. Gegeven binnen onser stat van Gornichem