1407-04-26 |

R.A.H. Coll Aanw 70 fol 33v, 34v/Memoriale B.F. fol 23, 23v

Jaartallenindex

hertog Willem oorkondt "want wij voirtyts van onser wegen aen hebben doen tasten alsulcke goede als onse lieve heer en vader Coenraets erfnamen van Heysterbach in handen geset hadde voir een somme gelts die hi him sculdich was, gelegen in onsen lande van Zuythollant, dair onse vierscaer van Z.H. om op gedringht is. En Coenraets erfnamen voors nu met ons clairliken daerof gedadinght hebben en overdragen syn. So hebben wij denselven Coenraets erfnamen alse Henrick Coenraetsz van Heijsterbach, Jan van der Burch, sinen broeder, Herman Vinck Willemsz ende andere desselven Coenraets erfnamen voirn. geoirloeft ende geconsenteert alle dese voirgeroerde goede, dat is te weten die thiende, tynse, die visschery in die Devel in Zwindrecht. Item van den slusen van den Maisdam 50 scilden sjaers, dat vroon t'Ysselmonde ende dat broecklandt after den Berge weder aen te vaerden etc. Gegeven in den Hage 16 april 1407. Dit sal geduren 2 jaer lang na date des briefs. Item optie selve tijt screef en beval myn heer den rentmeester van Suythollandt Jan van Schoonhout mit sinen brief plackaert, dat hi him dese goede voirgeroert niet vorder en bewonde, maer dese rustelic liet gebruken Coenraets erfnamen voirs. etc