1407-08-25 |

R.A.H. Coll Aanw 70 fol 74, 74v/Memoriale B.F. fol 55v

Jaartallenindex

des Donresdages na St Bertelmeusdage geloefden en seeckerden Claes van Veen en Jan die Grebber van Monikendam op hoir lyf en goet an hande Philips Enghebrechtsz tot mijns heren behoef, alse dat sij binnen 8 dagen dair naist comende of binnen 1 of 2 dagen daerna ombegrepen, in comen souden in den Hage also en in alre manieren als sij op die tyt waren, en dat sij van danen niet scheyden en souden in geenrewys ten waer bi minen here en sinen Rade. Item desgelycs geloefde Claes van den Veen voirs optie seker tijt dat hi binnen den 14 dagen e.k. t scrijfgelt v.d. sleijscat soude betalen dat die stede van Monikendamme schuldich is, of dat hi in den Hage daerentenden incomen soude en niet van dane scheyden voir die tijt dat dat betaelt waer