1410-06-12 |

Reg H. Geest Naaldwijk/Copie v.d. Marel p 23

Jaartallenindex

ic Jacop Allartszoen Allart Meynsenzoenszoen doe cont allen luden dat ic vercoft hebbe den H. Gheest tot Naeldwijc mijn deel van een stucke lants ende is gheleghen in den ambocht van Naeldwijc voir die woninghe daer Hughe Claysz nu ter tyt in woent ende Gheryt Jacobsz plach te wonen zuutwaert an den Cruuswech op t westende, ende welc lant T onder rekeninghe gheleghen is voer 14 hont. Ende die eyghendom van den lande voirsz is op dese tijt aldus gesmaldeelt: eerst so heeft die H. Gheest voirs. een recht ½ deel van den helen lande. Ende in die ander ¾ deel heeft hi een vol hont ende die kerk te Naeldwyc een volle hont bi den nieuwer gaerde. Wes boven den eyghendom van den puncten voirs. des lants beloop is, des is die een helfte des cloesters van Lewenhuurst. Ende den eyghendom van der wederhelfte heb ick vercoft den H. Gheest voirs. alzo groot ende also cleijn als ic t nam te hijlic mit minen wive Harpar comansdochter. Nota: dat hont dat die kercke hadde in dese voors 14 hont heeft die H. Geest gecoft als blijct in dat 36e en 37e blad. Van desen lande sel die H. Geest jaerlix delen over here Niclaes van den Poel, cureyt, 1£