1411-11-25 |

Bissch Arch Haarlem/Cartul Klooster in de Hem bij Schoonhoven Inv no 119 II fol 99

Jaartallenindex

Aernt Gout, scout in Berchambacht van mijns liefs heren weghen here Jan van Vliet ende wij, hiemraders in denselven ambacht, oorkonden dat heer Willam Clinckert, priester, minister des convents in den Hem, verwilcoerde voer hem ende voer die broeders die nu ter tijt woenachtig zijn of namaels wonen sullen in den convente voirs, 4 Eng nobels sjaars lijfrenten op 3 morghen lants gelegen oestwert an der broeders voirs. hofstede, daer die broeders voirs een eygen of hebben ende plaghen Machtelt Claes Heynenzoens te wesen, die 4 nobels jaerlix te betalen Machtelde voirs. also langhe als sij leeft ende teynden haren live Baerte, haere zuster, also lange als si leeft, ende na Baerten voors. doet Barthout Jansz, Baerten voirs. haren soen, also langhe als hi levet, ende teynden hoire drier doot voirs. sal dat lant vrij bliven an den broeders, op 35 schell. Voert verwilcoerde heer Willem voirs. dat Machtelt voors. dat dyckcampken van den Kerckwech tot die Lecke toe so si daerin ghelant was, bruken sal also lange als si leeft ende syt selver bruken wil ende niet te verhueren. Ende also lang als sij t selve bruuct sel si betalen die 35sc Holl sjaers die op t lant staen etc.

Ghysbrecht Aerntsz, Willem Vlaskijn, Jan Blanckertsz, Ysebrant Claes Bruunsz, Dirc Jacobsz, Reyner Louwenz en Mathijs Willemsz, heemraders; bezegeld door de schout en Ghysbert Aerntsz en Dirc Jacobsz