1413-03-18 | Alkmaar

Arch Abdij Egmond Inv no 231

Jaartallenindex

scepenen binnen der Goude oorkonden dat Willam Dapper en Hughe Dapperszoen gheloveden ghezamenderhant ende onghesceyden Machtelden Heynricdochter van der Does ende heeren Heynric van Houten monic toet (!) Egmond horen zoen te waren ende te vrijen die een helft van een camp lants gheheten Dirc Ghijsbertszoens oort gheleghen binnen der vrihede van Alcmaer ghemenghender vuer ende onderdeelt mit Gheertruden Dirc Ghysbrechtszoens weduwe, ende beleghen hebben Jacob Yevenz aen die noordzijde ende Dyrc Gherijd an die oostzijde, streckende zutwerts an die Vaert, ende westwaerts an die meer, van allen kommer dierre op comen mach dat voor die tyd mach roeren voer dat Willem Dapper voers. Machtelden ende Heynric horen zoen dit voers. land vercoften. Ende dit hebben sij verpleghen op haere beyder huse ende erven die zij nu ter tijd bewonen Willam Dapper voers. in die Coeijstraet, naest Jan Pieterszoens noortwerts, ende Hughe voers. op die Hoochstraet naest der stede waterscap zutwerts. Vidimus van 1413-03-24

Jan van Hoorn, Dirc Willaem van Moortsoen en Jan Gherijdsz, schepenen binnen der Goude