1414-09-03 | Spaarnwoude

R.A.H. Coll Aanw 53 fol 195/Reg Nov. Vass. F fol 120v

Jaartallenindex

hertog Willem oorkondt: want Floris van Spernewoude Willemssoon te leen houdt van Gerrit van Spernewoude, sijnen neve, 20 maden lants, die Gerrit voors. voort van ons te leen houdt, gelyck die brieve daerof inhouden, so hebben wij om beden wille van vrienden Floris voorn. sulcke gracie gedaen als soo wair dat sake dat Gerrit van Spernewoude voornoemt of syn nacomelingen tot eeniger tijt tegen ons of onsen nacomelingen verbuerden off versuymden sulcke goede ende leen als Gerrit voirs van ons te leen hout, dat dairmede Floris voorn noch sijn nacomelingen die voorscr leengoede niet verbueren noch versuymen en sullen tegens ons of onsen nacomelingen mer sij sullen dan daerna binnen jaers dieselve leengoeden aen ons versoecken ende wij sullen hem die verlien van ons te leen te houden in alre manieren als Gerrit voirs. die van ons te houden plach ende die brieve die dairof syn inhouden ende begrijpen (vgl 1422-12-20)