1415-03-26 (1414) |

Genealogie v.d. Does Voorburg fol 49/Fam Arch Bredius/R.A.H. Coll Aanw 53 fol …/Leenregister

Jaartallenindex

hertog Willem oorkondt dat wij om ootmoedichs vervolchs wille Symon van der Does, ende om sonderlinge diensten die hij ons gedaen heeft ende noch doen mach, gegeven ende verleent hebben mit desen brief Lijsbetten, zynre dochter die hij heeft by J. Marien van den Wateringe, syn wyve, omtrent 22 morgen lands, gelegen in Maeslantsambacht, die ons aengecomen sijn bij dode Jans van den Werve, die se van ons ten rechten leene hielt. Item een wooninge mit sijn begrype [?] ende omtrent 12 morgen lants daertoe, gelegen in Voorburgerambacht, die toter hofstat van der Lee te behoren plagen, ende Claes Doe nu ter tijt in huyrware heeft, die ons mede aengecomen sijn van Jan van den Werve als voors. staat. Te houden jvr Lysbette voirs voor haar en haar nacomelingen tot enen rechten leen. Mit voirwaerde waert dat Lysbet voirn. tot eniger tijt hijlic dede buten onsen consent ende wille, soe soude dese gifte ende verlijinge doot ende teniet wesen, ende die voirs. goeden souden weder an ons comen

present: die Burchgrave van Leiden, Willem Eggert heer tot Purmereynde, onse thesaurier