1416-01-31 (1415) |

R.A.H. Coll Aanw 53 fol 240/Reg Nov. Vass. F fol 137

Jaartallenindex

Aechte Florysdochter ende Ave haer moeye. Hertog Willem oorkondt dat in den jaer ons Heren 1403 voor ons quam Aechte Barthoudt Willemssoons weedwij met hoirs voochts handt, ende droech ons op alsulck landt: Eerst dat ⅙ deel van een stuck landts van hoeren eijgelycken goede, dat gelegen is in den banne van Oosthusen ende is geheten die Groote Vonde, daer lenden off waren Geryt Peter Heeren Dirckszoonssoon aen de een syde ende Walraven Reynoutszoon aen die ander sijde. Item dat ⅙ deel van eenen stucke landts gelegen in den ban voirs. ende is geheiten die Groote Hoirn, daer lenden off waeren Geryt Peterszoone en Walraven voors. Item noch ⅙ deel van een stucke landts voors. gelegen in den ban voirs. Drackerige Vende, daer lenden aff sijn Walraven voirs ende Peter Jan Tedenz. Item noch ⅙ deel van een stuck landts gelegen in den ban voors. ende is geheten Cleijenvenne, daer lenden af waeren Walraven voirs. ende Jan Stutinck. Welck landt wij haer weder verlieden van ons tot enen goeden leen te houden, alsoo dat hoir soons Florisdochter Aechte, ende hoir dochter Ave dat selve landt tot deser tijt toe als leenvolgers van hoir gecomen van ons te leen gehouden hebben, nae inhoudt onser brieve. Ende want in denselven goeden ende landt twidracht ende geschille gevallen is om der leenwair wille, soo hebben wij om beden wille van vryenden hemluiden gegeven etc. dit voirs. lant tot een vrij eigen