1418-01-21 | Alkmaar

G.A. Alkmaar Klooster Oude Hof Alkmaar no 32

Jaartallenindex

Willem van Alcmaed Florysz orconde met desen brief bezegelt met myn selven seghel, dat ic quijt scheldt den susteren wonende t'Alcmaer after die kerc, die husinghe daer Ave Jacopsdochter weduwe, nu ter tyt in woont, staende op der susteren voers. hof, alle toesegghen die daer op crighen mach. Ende wat warenisse Ave Jacopsdochter voirs. daer of doet den susteren t'Alcmer voirs. van den huse voirs, dat love ic mede te houden, vrien ende te waren voor nu en voor myn nacomelingen als men vry huis sculdig is te waren binnen der vrihede van Alcmaer. Gegeven in t jaer ons Heren 1418 op St Agnietendach