1418-04-24 | Alkmaar

R.A.H. Coll Aanw 96 fol 104/Reg Tricushandt Caput Kennemerland no 122

Jaartallenindex

Jacob Jan Lambrechtszoen hout van mijnre ghenadighe Vrouwen, die hem aenbestorven sijn bij doode sijns vaders sulcke goede als hiernae gheschreven staen, in den eersten een huys ende hofstat gheleghen binnen Alcmair, ende beleghen hebben dat gasthuys an die oestzijde, ende des Schoutenstrate an die westzyde. Item die huysinghe ende hofstede die Lambrecht Voppenzoen cofte tegens Reijner van Petten, ende beleghen heeft Katherijn Gherrits weeuwe van Petten an die oestzijde, roerende van den Hove van Hollandt. Item noch een hofstat mit horen toebehoeren, roerende van den hofstat van Arckel, die hiernae gheschreven ende geristreert [!] staen. Quaere in Arcke (!), ende dit staet al 't samen registreert in registro 29 April anno XVIII