1418-09-30 |

R.A.H. 84 fol 52v

Jaartallenindex

item opten lesten dach in Septembri seeckerde en loifden an des tresoriers handt Heeren Lodewijc [van Montfoort] Pieter Evertsz van Scellinchout en Jacob Jansz van Zibekerspel, dat sij sulc gelt als beide die steden mijnre Vrouwen van soudijen sculdich waren, den tresorier brengen souden tusschen dit en des Sonnendages op St Gallendach naestcomende, of weder in den Haghe te comen in sulcken schijn als sij doe waren, dese is horen dach uijtgeset tot St Martynsdaghe toe in den Winter. Des is noch horen dach verlanget tot onser Vrouwendaghe purificatio toe naestcomende. In margine: dese is noch horen dach verlenget tot 13 dagen toe