1398-11-26 |

R.A.H. Coll Aanw 49 fol 50/Reg Bloys fol 37

Jaartallenindex

hertog Albrecht oorkondt "dat ons vervolcht heeft Gherardt Hectoerszoen van Moerseke om sulc lien als sijn vader Hector voirs. voren ende Gherardt voirn. na te lien gehouden hebben van onsen lieven neve Grave Guy van Bloijs, daer God die siel of hebben moet, dat is te weten 20 Vrancr Vrancken jaerliker renten, die him bewijst waren uijt onsen goeden ende renten van Scoenhoven ende van der Goude. Oick mede versocht Gherardt voirn. 7 mergen lants gelegen in Benscoep in s heren gerichte van Yselsteyn ende syn vader oic van onsen neve van Bloijs voirs. te rechten leen hilt. Ende want onse neve die grave van Bloys die heerlicheden ende goeden van Scoenhoven ende van der Goude van ons te lien hilt, die nu ter tijt an ons besturven syn, ende hi die voirn. renten gaf Hector voren ende Gherardt sinen soen na uijt onsen eygen ende sijn lijen buten onsen ende onser voirvorderen handen wille ende consente, soe sijn dieselve renten ende lant mit anders den heerlicheden ende goeden voirs. vrij aen onsen bestorven. Mar hebben om goeds diensts wille die Hectoer voirs. onsen neve van Bloijs gedaen heeft, also vele gracie gedaen Gheraerde sinen zoen, alse dat wij hem verlyet hebben ende verlien mit desen brieve die voors. rente van 20 Vrancr Vranken sjaars op te beuren uit de goeden en renten van Scoenhoven ende van der Goude tot onsen wederseggen". In margine staat: 7 morgen in Yselsteyn ten rechten lene