1399-01-05 (1398) |

R.A.H. Coll Aanw 49 fol 62v/Reg Bloys fol 48

Jaartallenindex

hertog Albrecht oorkondt "want wij vercoft hebben onsen neve Jan heer t'Arkel, van Perpont ende s lants van Mechelen, alsulcke tienden als ons aengecomen sijn bi dode ons neven grave Guy van Bloys, gelegen int oestende van Zuyt Bevelant in den dorpen hiernae geschreven als den Broeck, Steenvliet, Hinkelnoert ende Onderdingen, ende die deken ende capittel van der kerke van Oude munster 't Utrecht ons met goeden besceide onderwijst hebben, dat die voirs. grave Guij van Bloys ende syn voirvorderen die voirs tienden mit anderen tienden in onsen lande van Zeelant van der kerke, deken en capittel van Oudemunster voirs. in pachte ende erfhuer hilden, welcke pacht ende erfhuer aen ons besturven was bi dode grave Guij voirs. Alsoe dat men die voirs. tiende van ons niet sculdich en is te lyen te houden, soe hebben wi verdragen ende quytgescouden etc onsen neve Jan heer t'Arkel alsulcke manscip als hi ons sculdich was ende gedaen hadde van den tienden voirs. Ende oirloven him ende consenteren dat hi die erfhuer ende pacht versoecken, verhalen ende ontfaen mach van den deken ende capittel voirs, geliken onsen neve Grave Guy ende syn voirvorders die voirs tiende van der kercke gehouden hebben, behoudelike dat onse neve van Arkel ons ontheffen sal van sinen aendeel van sulken pachte ende huere als men jaerlix der voirs. kercke sculdich was