1399-02-14 (1398) |

R.A.H. Coll Aanw 67 fol 67v/Memoriale B.M. fol 50v

Jaartallenindex

worden gescheiden voir myns heren Rade Willem Woutersz ende Willem Hugenz, poorters van Schiedamme aen die een side, en Lambrecht Bellens ende Jan van Peelt, coopluden aen d'ander side. In dustaniger maniere als hierna geschreven staet, dat Lambrecht en Jan voirs. mitten anderen coopluden ende den luden van Sciedamme deylen souden gelyc, so wes van den goede overgebleven waer ende meer ontfangen dan van Willems Woutersz vangenisse ende in anderen oirbaer des goets uijtgegeven waer oic mede want Lambrecht ende Jan voirs. seggen dat een coopman uijt Inghelandt den poorters van Schiedamme gelooft soude hebben 120 nobelen, en wes dairof comen sal of is daer of ijet gecomen dat sullen die coopluden onderlinge gelijc deijlen, also verre als die 120 nobelen niet en roerden van den goede dat in der cedule, die die van Schiedamme mijns heren Rade overgaven, geschreven staen. Oic mede van den scepe, datter noch buten is, wanneer dat binnen comt, so sal men dat seijs vercopen, ende een ijegelijc van den coopluden sal daer sijn part of hebben na sinen goede