1402-12-19 |

R.A.H. Coll Aanw 68 fol 34v/Memoriale B.J. fol 24

Jaartallenindex

verdroech mijn heer Jan van Elden sulcken vyantschap als hi op him te seggen hadde, om bede wille van vrienden alsoe hi myns heren vyant mitten Oist Vriesen, ende mitten heer van Arkel geworden was, also verre als hem die van Utrecht desgeliken gonnen willen. Gaf mijn heer geleide Aelbrecht van den Bosch mit vieren sinen knechten of anderen personen etc, durende tot St Bavendage e.k. toe. Item gaf mijn heer geleide Aelbrecht Nagel, Dirc Poes en Voppe Jan Struijcsz, also verre alst aen hem comt, durende tot St Jansdage e.k. toe; 1402-12-20 beval mijn heer Robbrecht van Drongelen sinen baelju van Suythollant, dat hi dagen soude heren Aernt van der Dussen op sijn lyf ende goet te comen in den Hage des Manendages na St Pouwelsdach e.k. voir myn heer sinen Rade ende mannen ter hoicher vierschaer, om him mit recht te verantwoirden van sulcken saken en bruecken als mijn Heer op him te seggen heeft