1404-12-16 |

R.A.H. Coll Aanw 96 fol 102, 102v/Reg Tricushandt Caput Kennemerland no 122

Jaartallenindex

dit sijn die goede die die Heer van Vyanen houdende is van der greeffelycheijt van Hollandt. In den yersten een borch mit hoerre hofstede, alsoo als hij die begrepen ende ghetymmert heeft mitten graven die daeromme gaen, ende die gheleghen is tusschen der Waterpoirte tot Vyanen van der stede, ende der poirte van derselver stede, tot Lexmonde uter [waert ?], des een deel van desen borch binnen der stede muren lighet, ende een deel buten ter Lecke uter, ende daertoe dat voirboircht van derselver borch, dair die poirttoern tot Lexmonde uter in staen sal, ende daertoe die poirte van Vyanen opter Oeber (!), midt den gherecht, hoghe ende leghe, tot eenen onversterffelijcken erffleene. Item dat Gherechte tot Jairsvelt, hoghe ende leghe, ende dat huys in denselven gherecht tot Jairsvelt gheheiten Veldenstein mitter hofstede daer dit voorschreven huys op staet, ende dit huys mitter hofsteden mit lande ende goede voirs. te houden tot eenen onversterffelycken erffleen. Item dat gherecht van Langbolgrij, tienden ende tins, alsoo alset die van Cuerdinghen [Everdingen ?] van Cuyck plaghen te houden. Item dat gherecht in Bolgrij van 16 hoeven landts luttel min of meer ende die tienden ende tins alsoo groot ende alsoo cleyn alse sij dair in gelegen sijn tot eenen erfleene. Item 7 merghen landts in den gerechte van Jairsvelt, ende 3 viertel lants in den gherecht van Lopick tot eenen onversterffelycken erffleene. Item dat huys ten Goye mitter hofsteden, mitten gherichten te Houten ende ten Goye, hoghe ende leghe, mit sijnen toebehoeren, als hijt an 's Heeren handt van Abcoude verset heeft. Item die Craen ten Ghoyen als men dat van oudts ghehouden heeft van der Greeffelycheyt van Hollandt midt sijnen toebehoeren