1391-05-12 |

R.A.H. Coll Aanw 65 fol 44/Memoriale B.D. fol 37

Jaartallenindex

item op 12 Mei hebben verwilcoert voir mijns heren Raet Heijman die Momber an d'een side, ende Jan van Honswic aen d'ander side, van sulken gescele als si onderlinge hebben, twee mannen te nemen aen elke side tussen dit en Pynster, dats te weten aen Heymans side: Aernt van Andel en Gheryt Wisschaert, ende aen Jans side van Honswic: Jan Wisschaert ende Gherijt Engebarenz, diewelcke 4 mannen die partien voirs. verliken ende sceyden sullen. En ist dat si vier die partien voirs. niet verliken en connen so sullen die 4 eendrachtelic enen overman kiesen. So sullen die partien voirs. weder bi minen heer comen, ende die salt dan sceiden mit sinen Rade