1397-05-19 |

R.A.H. Coll Aanw 67 fol 6, 6v/Memoriale B.M. fol 4, 4v

Jaartallenindex

gaf mijn heer geleijde den heer van Vyanen tot 25 personen toe, durende tot Pinxterdach toe e.k; 1397-05-20: gaf mijn heer geleide Pieter Reynersz durende tot Pinxter e.k. toe. Item te gedenken te spreken mit minen Heer ende sinen Raet van Gelre van den man mijns heren ondersaten die dootgeslagen is van hulpen Heeren Aernts van Homen, nochtans dat him wederkeert sijn sijn (!) scepe; 1397-05-24: loefde an sdomproosts hant Pieter Reijnersz, waer dat sake dat mijn heer en sijn Raet ovonden dat dat scip, bier ende goede die hi gewonnen had opter zee, ende gebrocht in der havene tot Hoirne niet toe en behoirde den Oist Vriesen of dat men dat in Oiest-Vrieslandt niet gevoert en wilde hebben, dat hi dat wederkeren of richten sal bi minen heer ende sinen Rade. Eodem die oirlofde mijn heer Jacob Doedynsz van den Briele, Beem Willem Claeszoon van der Goes ende Jacob Kallenz uijt te leggen op die Oest Vriezen, spreeckende alleens Martijns brief van der Koernmarcte