1387-11-25 |

R.A.H. Coll Aanw 64 fol .../Memoriale B.G. fol …

Jaartallenindex

op St Katherinendach was getracteert anno 87: 1) van den veen bi Naerden is overdragen als dat mynen heren Rade als die heer van Egmonde, haer Gysbrecht van Nyenrode, Willem van Croonenburch ende die baelju van Aemsterlant of die drie van hen vieren sullen aldaer varen ende besien ende ordineren dat die luden niet meer delven en sullen dan hoer redelike barninge binnenslands ende niet uijt te voeren etc; 2) item van den man die den vrede brack mitten bier te gieten ende oec van den scutter etc, dat sullen deze 4 berechten; 3) oec sellen dese 4 voirs. besien hoe men die stede van Wesepe best vesten mach; 4) te gedeijncken van den dage dat die van Utrecht dagen mijns heren luden van Naerden, van Wesepe ende van anderen steden van waerliken saken; 5) van die van Loesdrecht te gedeyncken opter dachvaert van der tollen die men hun ofneemt; 6) mijns heren seggen is van der waerheyde die heer Bertelmeus van Raphorst, baelju, ende Gheryt van Egmonde tot Medenblick geseten hebben, van dat si tiegens mijns heren scout van Medenblick misdaen hebben, de man zal verbannen worden en de vier anderen "aengetast"; 7) die van Grafte ende van Scermer syns gebleven aen mine here ende sinen Rade sulck geschil als si onderlinge hadden; 8) van Gheryt Snoeije die mijns heren stroem bedyckt heeft. Gedaen in den Hage s Sonnendages na Andree [1387-12-01]