1390-06-05 (4) |
R.A.H. Coll Aanw 92 fol 192 Cuijck/Reg Albertus XVIII
Jaartallenindex
(vervolg) 34) alsulck goet ende tienden gelegen op Lakervelt, als hierna beschreven staet: a) (!) dat overste block van deser voors. tiende gheleghen tussen op die een side: Ghisebrecht van Brandenburgh an den wege an den oversten egghe, ende an die ander syde an den wege: Gheryt Broichagen ende an den nedersten egge van desen bloke an die een sijde van den weghe is gheleghen Steven van Schalcwyck, ende an die ander side van den weghe Wouter Schade, streckende an beyden sijden van den weghe an de Ka; 35) item dat middelste block van deser voors. tiende is gheleghen an den oversten egghe an die een sijde van den weghe die heer van Oeij, an die ander sijde van den weghe Egbert Stamer ende an den nedersten egghe an die een syde van den weghe is gheleghen Hubert Lossijenzone, ende Daem, syn broeder, ende an beyden syden streckende an die kae; 36) dat nederste block van dese voors. tienden is ghelegen an den oversten egghe Voern van Vyanen, an die een sijde van den weghe ende op die ander sijde Gheryt die Moelner an den nedersten egghe van desen voors. bloke is gheleghen Johan van Lakervelt an beijden syden van den weghe opgaende an die kae; 37) 80 morghen lants to goeder maten gelegen in der maelschap van Malsen in den lande van Bueren, geheten die Gheeren; 38) item alsulic tienden als die heer van Bueren leggende heeft tot Ghisenkerck, als die heer van Brederode van hem houden soude ende ander luden van Quenquonden [?] ende mit der giften van der kercken. Van desen goede voors. heeft die heer van Buren synen oudsten zoon alrehande stucs bewyst ende ghegheven van hem te houden alse sijns zoens brieve begripen ende dat heeft hertog Albrecht grave van Hollant geconformeert. Joncfrou Machtelt heren Jansdochter van Herewinde 25 morgen gelegen in den gerechte van Herwinde gheheten die ..... hoeve ten erfliene, dit selve goed ontfing jvr Machtelt voirs. an der werve van mijnen heer ende Harman Spieghel Otte Roecssone dede de manschap voer hoer op St Tyburciusdach anno XC