1335-02-12 |

A.R.A. Copie Leenkamer no 27 fol 87/L.R. 11 fol 31

Jaartallenindex

graaf Willem oorkondt: want wij omme die noedt, die in Vrieslandt was van den dycke ende omme narenstelycken bede ende versoeck van den ghemenen Vryesen van West Vryeslandt gegeven hebben oerloff een inlaghe te maecken tusschen Beersingerhoerne ende Medenblick, daer men dat dorp tot Ghaeswysende ende all dat landt dat te Ghaeswijsende behoert, mede uijtslaen moet, ende wij noede sien souden, dat die arme lude t landt rumeden, soe hebben wij hem ghemeenlycken dien van Ghaeswysende ghegheven tote ons lieves Heeren ende vaders wedersegghen toe, joff den onsen, al dat landt, dat onse lieve heere ende vader heeft in Valckenkoeghe ende die rentmeester van synen weghen gebruict. Ende all dat landt dat die van Waterlandt toebehoren souden in Valckenkoeghe, ende dat Tieman Reinier Clercszone beseten heeft tot onsen lieves heeren ende vader wederseggen toe, ende al dat landt wederseggen wij Tyemanne voirs. van ons heren ende vaders weghen voirs.