1400-05-22 |

R.A.H. Coll Aanw 47 fol 671v/Liber V fol 387

Jaartallenindex

hertog Albrecht oorkondt: dat wij gevestigd en geconfirmeerd hebben mit desen brief, alsulcke privilegien ende handvesten als ter saliger gedencknisse Coninc Willem, onse voirvorderen gegeven heeft den joncrouwen des cloesters geheten Porta Coeli. In denwelcken hi hem bewijst ende gegeven heeft eenrehande dunen ende dairtoe 200 gemeten lants, mar want die heeren van St Jansoerden die voirs. joncrouwen mit allen horen goede en privilegien aengenomen hebben, overmits hore armoede willen bi bede ende consente grave Willems, onse oudevader, die God genadich is, gelikerwijs als syn brieven die hi daerof gegeven heeft inhouden ende begripen. Ende die voors. 200 gemeten lands in de voors. brieven alsoe niet gespecificeert ende gesondert en syn, sal die heren voors. die rustelicken gebruken mogen ende aenvaerden sonder hindernis en moeyenisse, soe ombieden wij daeromme ende beleven heren Hugen van Heenvliet, onse rentmeester Bewesterschelt in Zeeland, dat hi den heren van St Jansoirde die voirs 200 gemeten lands wise, wan dat zij gelegen zijn, alsoe dat sy die vry hebben en voirtaen gebruken mogen na inhout hare brieven, ende dat alsoe beware dat wire niet meer om vervolcht en worde