1516-12-22 |

A.R.A. 490 no 192/Sent. Hof van Holland

Jaartallenindex

Michiel Ruijse vuyten naem van den vrunden ende magen soewel van svaders als van smoeders zijde van wijlen Gerijt van Noortich, impetrant ter eene zijde, ende Bertolomeus van Cattendijck in den name van zijn huysvrouwe ende kinderen, zeggende derselver zijn huysvrouwe de naeste van bloede te wesen, te weten een suster ende alleen erfgenaem van de voirs. wijlen Gerijt van Noirtich, gedaichde ter andere. Het Hof doet off d'interdictie gedaen den gedaichden opten 28e Aug. lestleden van gheen penn. t ontfangen die resteren te betalen van den soene van wijlen Geryt van Noirtich voirs. Ende verclairt dat die gedaichde soe hij procedeert dieselve penn. te resteren (?) van den selve soen sal mogen ontfangen op cautie souffisante omme die te restitueren oft anders te employeren indient ten eynde van den principalen processe gewesen wordt dattet sulcx behoirt te geschien. Ende dit bij provisie ende sonder prejudicie van yemants recht