1517-03-10 (1516) |

A.R.A. 490 no 274/Sent. Hof van Holland

Jaartallenindex

op ten geschillen wesende voir den Hove van Hollant tusschen die vrunden ende magen van Magdalena Huygedochter, wijlen huysvrouwe van Aernt Jansz impetranten van zekere letteren executoriale van desen Hove aen d'een zyde, ende Pieter Pietersz Ram, opposant, ter andere zijde, vuyt crachte van welcke executie van zekere subhastatie ende kerckgeboden begonnen zijn te doen bij Marten van der Eyck, duerwaerder, omme te vercoopen die goeden van den voors. Aernt Jansz ter cause ende tot voldoeninge van den zoen gedaen ende vuytgesprocken van eenen nederslach bij den voors. Aernt Jansz geperpetreert aen wijlen Magdalena Huygedochter zyn huysvrouwe was. Tegen welcke executie ende vercoopinge de voors. Pieter Pietersz Ram him geopposeert heeft, pretenderende recht ende actie te hebben an denzelven goeden vuyt sake van dat hij als borge betaelt heeft de rentmeester van Bewesterschelde de somme van 12£ gr voir den voirs Aernt Jansz ende dat dieselve goeden him verbonden stonden overmits de voirs borchtochte. Impetranten eischen voortzetting van de executie. Het Hof verclaert dat een duerwaerder van desen Hove voldoen sal die subhastacie ende kerckgeboeden tot versoucke van de voirs impetranten begonst, achtervolgende d'instructie van den voirs. Hove, al welck gevoecht sal worden bij desen processe omme op als gedaen te worden alst behoeren sal