1519-06-16 |
G.A. Haarlem N 184 fol 92/Cartul Leprooshuis Haarlem
Jaartallenindex
t Egmont op die Hoef. Scepenen ende bueren van Sparendam kennen ende lijen Willem Claesz voer een out gilde brueder van Sparendam. Daer om bidden wij bueren van Sparendam vruntlicken voer Willem Claesz dat ghij heeren ende zieckenmeesters hem innemen ende ontfangen wilt als ghij ons beloeft hebt. Ende Willem Claesz sal inbrenghen jaerlicx dartich stuvers van een stucke lants dat ghelegen is t Egmont bij die Hoef. Alsoe wij scepenen ende bueren van Sparendam gheen zegel en ghebruycken, soe bidden wij den eerbaren Claes Verboeckhorst, scout op Sparendam, dat over ons te willen bezegelen tot meerder zekerheyt, t welck ick Claes Verboeckhorst, scout voirs, ter vruntliker bede gaerne ghedaen hebbe etc