1510-10-02 |

G.A. Monnikendam Inv 154 fol 62/Diversorium Galileaconvent Monnikendam

Jaartallenindex

van broeder Reijn lant quytsceldinghe. Anno 1510 altera die Remigii heb ic quytsceldinghe ghenomen van Jaep Claesz mit sijn 3 susteren end mit Floris Baerntsz haer voecht van die C gld die Reyn Claesz onse broeder monic maecte ende besprac voer syn professie onse convent na sijn moeders doot ende soude int convent bliven in der ewicheijt, ende oec mede nae broeder Reynen doot ende syn moeder Brecht begheerde op haer dootbedde dat wij ofstaen soude mit dat morghen lant dat si hadde legghen onderdeel in 5 stucke lants gheleghen in Purmereyndt ende in Koediker ban, behoudelic dat wij soude utkeren 25 gld current, want dat morghen lant beter is dan C gld. Ende die vijf landen sijn tesamen 24 koeven. Van welke landen ons dat 1/16 deel toebehoert. Ende wij hebben Jacob Claesz ende syn susteren voldaen ende wel betaelt die 25 gld current. Ende wij hebben ghenomen vant ghelt 17 gld current vant ghelt dat van St Pietersdal quam ende 8 gld van Jacob Claesz brief in Swaech