1512-10-04 |

Arch Marquette no 132

Jaartallenindex

scout tot Assendelft en scepenen in der tijt aldaar, oorkonden allen denghenen die desen certificatie sullen sien of horen lesen dat voir ons ghecomen is Jan Duyvesz ende was denselfde scepenen voirs voir recht an dingende dat sij sculdich waren te seggen bij hoir eeden die sij den heren gedaen hebben hoe ende in wat manyeren sij den nyeuwen inlaech ende den dyck gheleghen Buyten Huysen om den Braeck ghewijst hebben. Ende dese voirs scepenen hebben bij hoeren eeden als voirn. ghetuijcht ende geseyt dat die voirs inlaech ende dijck ghewijst was op alle t ghemene lants coste gheleghen binnen den banne van Assendelft of op die ghemene coste die daer toe gherecht was. Ende Jan was alsoe selver scepen ende en woude dat vonnis niet volghen maer indien die voirs. scepenen consenteren ende toelaeten wouden die wale geleghen over Paerdencamp oick te wesen ende te ghelden op 't ghemenelants coste zoe was hij mit dat vonnis tevreden. Ende Pieter Jacobsz wijst als boven ende stack dese reden dair bij of ten worde ghekeert mit beter recht. Hier van zoe dingde Jan Duyvesz certificatie te hebben op sijnre coste ende t'wort hem alsoe gewesen

Rolof Claesz (met zijn zegel), schout, Claes Willemsz, Dirck Claesz, Tamis Dircksz, Pieter Jacobsz en Baert Dircksz, schepenen