1467-06-23 |

G.A. Amsterdam Weeskamer Amsterdam Lade 36

Jaartallenindex

schepenen in Amsterdam oorkonden dat Jacob Simonszoen ontvangen heeft van Aef Reyners weduwe sijn zweger een stucke lants gelegen tot Abcoude in Peter Huesschensaet, gerekent voir 100 R gld, dat Willem Huesch nu ter tijt bruyct, utgeseit 1 morgen lants dat Aef voirn. dair in hout uptie oesterzijde, ende 25 R gld an gelde. Ende hiermede so scout Jacob Simonsz quyt Aef Reyners voirs. alle die erfenisse ende gueden, roerende ende onroerende, die hem mit Mergriet Reynerdochter, sinen echten wive, angecomen ende opbesturven mogen wesen van wijlen hoeren vader Reyner Ghysbertsz, so war die gueden gelegen sijn binnen der voirn. stede jof dair buten ende gelovede voirt dat hij geen erfnisse van Aef Reyners voirn. hebben noch nemen en sal voir der tijt dat Aef Reyners kynderen elcx 125 R gld ut die gueden hebben ende nemen sullen, ende dan alle andere gueden gelijc mit malcander te deylen