1472-04-02 |

G.A. Amsterdam Weeskamer Lade 7

Jaartallenindex

scepene binnen der Goude oorkonden dat Kerstant Lievens geloefde Coenrart Simonsz ende Dirck Simonsz, Adriaen Jan van Diemans wijfs weeskinder die sij behouden heeft bij wijlen Symon Coenenz, wair dat sake dat Jacob Gerytsz, brouwer tot Alcmaer, alle jaers niet en betaelde binnen die stede van der Goude alsulke 10 R gld als hij den voirs. weeskinderen sculdich is na utwisinge des briefs van Alcmair ende die voirs. kinder dair enige hinder of scade bij leden, soe geloeft Kerstant voirs, dat hij dese voirs. gelden jaerlicx den voirsz kinder utreyken ende betalen sal binnen die stede van der Goude. Ende dat heeft hij verplogen op alle siin goed roerende ende onroerende

Geryt Hagens (zegel: 3 ruiten, rechtsboven een vrij kwartier met een zespuntige ster), Jacob Cutert Dircsz en Geryt Dirck Jacobsz, schepenen