1476-01-03 |

G.A. Monnikendam Inv 154 fol 7v/Diversorium Galileaconvent

Jaartallenindex

scout en scepenen in Katwoud oorconden ende kennen dat voer ons ghecomen is Gheryt Paeu van Amstelredam mit ghesonde live ende welberaden moede, wetende synre vyf sinnen ende verstandenisse, ende heeft ghegheven ende quytghescouden, noch ghift ende quytscelt voer hem ende sinen naecomelinghen den cloester ende convent van Galilea van Sinte Bernaerdusoirde, die helfte van die Brede Venne ghenoemt Claes Dircsz weer, dat welken vier stucken is, mit syn aendeel van den uterdyck ghelegen op Katwoud. Belend oost: Claes Vrericksz mit Hennighelant, Lambert Jansz ende Geryt Garbrantsz, west: Herman Jansz als een voecht van heer Jacob Proeijs ende Jan Florijsz, tot enene vrien eyghendom. Met belofte van vrijwaring. Hier hebben bi, an, ende over teghenwoerdich gheweest als sevenenen ende tughen: Herman Jansz als een voecht van heer Jacob Proeijs, Jan Florisz, Claes Vrericksz mit hem inghelant, Lambert Jansz, Gheryt Gherbrantsz ende noch veel ander gueder mannen. Ende want wi scepenen selver gheen zegelen en hebben soe hebben wi ghebeden Pieter Claes, scout in Katwoud dese brief over ons te bezeghelen

Peter Claesz, schout, Symon Gherijtsz ende Peter Jansz, schepenen